【PGDE】全港最齊教育課程列表 |附送報考教育文憑全攻略!

AfterSchool
AfterSchool 2022-1-20 75,749
除咗每年競爭超大嘅 PGDE 之外,讀咩先可以有老師牌? 讀完教育碩士又可唔可以做老師?AfterSchool 同你一文講解大家喺香港可以點考做老師!
「老師」呢個職業大家應該一啲都唔陌生,相信都係唔少人小時候嘅「我的志願」,亦都係每個人都有遇過嘅職業。喺香港,做老師究竟使唔使讀好多書,過五關斬六將?讀咩先做到老師?AfterSchool 同你一文拆解做老師需要具備嘅資格、香港教育文憑課程選擇、老師人工等等,有興趣做老師但本科唔係讀教育嘅你一定唔好錯過!
點解中學生都要知 PGDE 嘅資訊?因為就算係讀高中嘅你,都要及早規劃自己將來嘅 career path! 如果同學已經立志要做老師,就係時候開始考慮要讀咩喇。對教育超有熱誠嘅同學可能選擇直接讀教育學士 (Bachelor of Education),咁就用五年時間喺大學讀個雙學位課程,之後就直接出嚟做老師。但如果同學唔知自己對教書係咪真係咁有熱誠同興趣,想用大學四年時間再諗清楚,咁 PGDE 可能係比較適合你嘅選擇!如果係咁,依家開始睇定教育文憑資訊就啱喇~
 

老師原來唔只教書?!

《師說》都有講:「師者所以傳道、授業、解惑也」,以為現代老師嘅職責得呢三樣?少年你太年輕喇!
香港老師除咗要傳授道德觀念、教導學生適應社會嘅各種技術理論同知識,同埋運用自身知識技能幫助學生解開困惑,仲要處理學校大量行政工作、學生課外活動等等,有時仲需要就住學生嘅各種情況同家長溝通。以下係教育局對老師工作範圍嘅描述:
  • 向學生教授相關學科知識
  • 整理教學資料、製作教具、編訂教學活動及設計教案
  • 帶領學生進行課外活動
  • 負責訓育及輔導學生工作
  • 批改學生作業
  • 進行相關教學行政工作,如校務及科組會議、家長會等
  • 評估學生學習進度
 

做老師? 香港 PGDE 教育文憑課程一覽

HKU PGDE

課程全名Postgraduate Diploma in Education (PGDE)
入學資格Full Time: 申請人須持有本港大學或其他認可之學士學位,大學主修學科與申請之主修科目有直接關係者優先。應屆大學畢業生亦可申請。

Part Time: 申請人須為現任本港全職教師,持有本港大學或其他認可之學士學位,大學主修學科與申請之主修科目有直接關係者優先在學期間須為本港全職教師,任教之科目須與其主修科目相符

所有申請人均需通過所有語言能力測試、並提供證明
學費$42,100 (未計報名費等其他費用)
修讀年長Full Time (1 年)、Part Time (2 年)
提供學科學位教師教育文憑 (幼兒教育) 課程

學位教師教育文憑 (小學) 課程:中文、英文

學位教師教育文憑課程 (中學):中文、英文、數學、經濟、物理、化學、生物

學位教師教育文憑 (特殊教育) 課程
資料來源:HKU PGDE 官方網站
 

CUHK PGDE 中大教育文憑

課程全名Postgraduate Diploma in Education 學位老師教育文憑 (PGDE)
入學資格PGDE CUHK Full Time: 申請人須持有本港大學或其他認可之學士學位,大學主修學科與申請之主修科目有直接關係者優先。應屆大學畢業生亦可申請。

PGDE CUHK Part Time: 申請人須為現任本港全職教師,持有本港大學或其他認可之學士學位,大學主修學科與申請之主修科目有直接關係者優先在學期間須為本港全職教師,任教之科目須與其主修科目相符

所有申請人均需通過所有語言能力測試、並提供證明
學費$42,100 (未計報名費等其他費用)
修讀年長Full Time (1 年)、Part Time (2 年)
提供學科學位教師教育文憑 (幼兒教育) 課程

學位教師教育文憑 (小學) 課程:中文、英文、數學、常識、音樂、體育、視覺藝術

學位教師教育文憑課程 (中學):中文、英文、數學、物理、化學、生物、資訊及通訊科技、企業、會計與財務概論、中史、世史、地理、經濟、通識教育/公民與社會發展科
資料來源:CUHK PGDE 官方網站
 

EDUHK PGDE 香港教育大學

課程全名Postgraduate Diploma in Educational Programmes (PGDE)
入學資格PGDE EDUHK Full Time: 申請人須持有本港大學或其他認可之學士學位

PGDE EDUHK Part Time: 申請人須為現任本港全職教師,並持有本港大學或其他認可之學士學位
學費$42,100 (未計報名費等其他費用)
修讀年長Full Time (1 年)、Part Time (2 年)
提供學科學位教師教育文憑 (幼兒教育) 課程

學位教師教育文憑 (小學) 課程:中文、英文、數學、常識、音樂 (全日制)、體育、視覺藝術 (全日制)、普通話、特殊教育 (兼讀制)、資訊科技

學位教師教育文憑課程 (中學):中文、英文、數學、歷史 (全日制)、體育 (全日制)、視覺藝術 (全日制)、音樂、科學 (兼讀制)、資訊科技、設計與應用科技
 

BU PGDE

課程全名Postgraduate Diploma in Education (PGDE)
入學資格申請人須持有本港大學或其他認可之學士學位,並通過 BU PGDE 中英能力測試
學費$42,100 (未計報名費等其他費用)
修讀年長Full Time (1 年)
提供學科學位教師教育文憑 (小學) 課程:英文
學位教師教育文憑課程 (中學):中文
資料來源:HKBU PGDE 官方網站
 

OU PGDE (HKMU)

課程全名Postgraduate Diploma in Education (PGDE)
入學資格申請人須持有本港大學或其他認可之學士學位
學費大約 $80,000 (各個課程獨立收費)
修讀年長Full Time、Part Time
資料來源:OU PGDE 官方網站
 

原來只讀教育碩士唔可以做老師?!

Credit: unsplash @nci 
Credit: unsplash @nci 
係!只讀教育碩士喺香港係唔可以做老師㗎!!
根據教育局,喺香港持有教學資格做老師(或稱學位教師)有兩個方法:(1) 持有香港嘅教師證書 (教育學士) 或者 (2) 持有學位教師教育文憑或者證書 (PGDE 教育文憑)!
 

老師人工係幾多?

老師係一個需要考牌嘅工作,屬於半專業人士,老師人工當然唔會好低。一般 Fresh Grad 入職學位教師嘅薪酬係 $31750(15 點),而老師隨著工作年資增加,薪金可高達 $74775(33 點)!
以下係官方老師人工表:
資料來源:https://hkfew.org.hk/UPFILE/ArticleFile/202022814170635.pdf 
資料來源:https://hkfew.org.hk/UPFILE/ArticleFile/202022814170635.pdf 
 

PGDE 教育文憑報讀必睇攻略!

唔少同學(尤其是)喺畢業後想做老師所以報讀 PGDE 教育文憑。由於競爭激烈,所以唔少同學都表示 PGDE 難入。究竟同學喺大學時期可以點樣裝備自己,令自己喺眾多 PGDE 報名同學裏面脫穎而出,得到做老師嘅入場券?
首先,喺大學主修選科方面,同學可以選擇選讀同自己將來想任教嘅科目有關嘅學科。由於 PGDE 院校會考慮同學嘅主修科,而且如果同學喺大學已經修讀將要任教嘅科目,同學自己對果科嘅認識同了解都會增加,對將來嘅教學都一定有幫助。
第二,同學喺讀大學嘅時候可以參與多啲同教育相關嘅活動,吸取教學經驗。如果同學已經獲取唔同形式嘅教學經驗,包括為唔同背景、能力嘅小朋友補習老師經驗,甚至係一啲教授少數族裔、需要特殊教育嘅學生,建立同驗證自己對教育嘅見解同諗法。
 

教育文憑 PGDE Q&A

Q: 老師職責包括?
A: 教授學生在各方面知識、培養個人品行、整理教學資料、帶領學生課外活動、進行教育相關行政工作等。
Q: 老師人工幾多?
A: 新入職嘅文憑老師 (CM) 人工係 $30,235,學位老師 (GM) 人工係 $31,750。呢兩個職位嘅薪金頂點分別係 $38,595 同 $40,515。
Q: 做老師要讀啲咩?
A: 有志做老師嘅同學,可以選擇修讀教育學位 (Bachelor of Education)。同學亦可以選擇喺大學畢業之後修讀教育文憑 PGDE。
Q: PGDE 係咩?
A: PGDE 全名為 Postgraduate Diploma of Education,亦即學位教師教育文憑課程。
Q: PGDE 收生要求?
A: PGDE 收生基本要求申請人需要持有本港大學或其他認可之學士學位,並且通過語言能力測試。唔少 PGDE 兼讀制課程要求同學需要獲聘於本地學校。
Q: PGDE 邊間院校有開?
A: HKU、CUHK、EDUHK、HKBU、OUHK 都有開辦 PGDE 課程。
Q: PGDE 學費?
A: $42,100 (每年)。
 
大學學科資訊系列
免費 DSE 電子報
定期為 30,000+ 中學生送上實用 DSE 資訊和資源
AfterSchool

AfterSchool

AfterSchool 是一個針對DSE而設的網上補習平台,課程涵蓋多個 DSE 科目,讓同學足不出戶就可以享有優質教學。註冊用戶人達 50,000 人,當中超過四分之一學生為應屆文憑試考生,是全港最大型網上補習平台。