考評局每年都會就 DSE 評核模式作出更改，其中2024DSE 改動比較大，而今年所有科目都有好多唔同嘅變動，無論係公開考試嘅模式抑或校本評核 (SBA)，甚至係分卷佔分比重都有唔少嘅改動。AfterSchool 幫大家整合咗 2024DSE 所有選修科嘅考試模式同課程架構，助你一文睇清楚改制後嘅 2024DSE 評核準則！
注意：以下所有資料係根據考評局課程及評估指引同埋考評局嘅 2024 年香港中學文憑考試評核大綱撰寫
目錄
2024 DSE核心科目（主科）
中國語文 Chinese Language
課程架構
中國語文教育學習領域嘅學習內容，包括閱讀、寫作、聆聽、說話、文學、中華文化、品德情意、思維、語文自學等九個學習範疇嘅知識、能力、興趣、態度同習慣。而學生亦都要喺高中課程入面完成12篇指定範文，以及2024年新增嘅8篇建議篇章，分別為：
12篇指定範文
8篇建議篇章
- 詩經《國風．關雎》
- 佚名《曹劌論戰》
- 《禮記・大學》
- 李密《陳情表》
- 陶淵明《飲酒．其五》（結廬在人境）
- 袁宏道《滿井遊記》
- 方苞《左忠毅公軼事》
- 元曲兩首：關漢卿《四塊玉．閒適》（南畝耕）、白樸《沉醉東風‧漁火詞》
公開考試
中國語文嘅考試分別為卷一及卷二，卷一為閱讀能力，佔總分 40%，全卷分甲乙兩部分，甲部考核內容係指定閱讀篇章（12篇指定範文+8篇建議篇章），乙部就係課外篇章，擷取若干課外篇章設問，文白兼備。而卷二就係寫作能力，佔總分 45%，甲部考核實用寫作，設字數上限，而乙部則為命題寫作。而中文科嘅 SBA 就係閱讀匯報，佔總分 15%，包括一次文字報告同一次口頭匯報，合共呈交2個分數，分數將由任教老師交俾考評局。
想睇有關2024DSE中文科改制後更詳盡嘅資料？即撳：【2024 DSE 中文改制】中文分卷改動及最新評分標準一文看清！
英國語文 English Language
課程架構
英國語文教育學習領域為提供學生學習經驗，以提升佢哋喺學習、工作方面嘅語言能力；培養佢哋知識、技能、價值觀和態度；促進終身學習，以增強學生個人同智力發展、文化理解以及全球競爭力。
公開考試
英國語文嘅考試設有4份卷，卷一Reading佔總分 20%，試卷內容都係以閱讀理解為主。卷二Writing佔總分 25%，分Part A同Part B，Part A考核內容係寫一篇約200字嘅short writing，而Part B就會有4條選修項目，考生需要揀一條作為作文題目並撰寫一篇大概400字嘅文章。卷三Listening and Integrated Skills佔全卷 30%，Part A係必答題，考生需要根據聆聽錄音完成題目，而Part B1／B2就會考核考生嘅聆聽同綜合能力，考生需要喺聆聽錄音同埋Data File入面整合資料，然後撰寫唔同文章。卷四Speaking佔總分 10%，考試會以四人一組嘅認識舉行，考生首先會有10分鐘準備時間，然後進行8分鐘嘅小組討論，喺完成小組討論後，將會有1分鐘嘅時間進行Individual Response，考生需要根據考官問嘅問題作出回應。而英文科嘅 SBA 就係閱讀匯報，佔總分 15%，學生需要閱讀2至4篇小說／非小說／電影／電視劇／紀錄片，然後進行個人報告及小組討論。
想睇更多有關英文SBA嘅技巧？即撳：【英文SBA】DSE English SBA 技巧、推薦書籍+電影清單
數學 Mathematics
課程架構
| 學習範疇 | 學習單位 |
| 數與代數範疇 |
|
| 度量、圖形與空間範疇 |
|
| 數據處理範疇 |
|
| 進階學習單位 |
|
公開考試
數學DSE設有2份卷，卷一傳統題，佔總分 65%，分為甲乙兩部。而卷二就係多項選擇題（multiple choice questions)，佔總分 35%，總共45條題目，考生需要作答所有題目。
想睇更多有用嘅數學資訊？可以參考：【DSE 數學公式】數學公式表 DSE Maths Formula (中英對照)
公民與社會發展 Citizenship and Social Development
課程架構
公民與社會發展科係2024年DSE新加入嘅科目，課程由「『一國兩制』下的香港」、「改革開放以來的國家」 及「互聯相依的當代世界」三個主題組成，為學生提供探討相關課題嘅平台，讓佢哋更清晰地了解社會、國家同當代世界嘅情況。而內地考察同樣屬於公民與社會發展科嘅課程。
| 主題 | 課題 |
| 「一國兩制」下的香港 |
|
| 改革開放以來的國家 |
|
| 互聯相依的當代世界 |
|
| 【內地考察】（不涉及公開評核） 中華文化與現代生活 |
|
公開考試
公民與社會發展科只設一卷，試卷為資料回應題，考試時間為2小時，成績只有「達標」與「不達標」。考生須就題目所提供的資料，回答所有題目。考試試題所提供嘅資料可包括（ 但不限於）以下：
- 文章、新聞報道、報告、備忘錄、書函、廣告；
- 對話；
- 圖、表、地圖；及
- 圖片、插圖、漫畫。
2024 DSE選修科目 (Elective)
數學延伸部分單元一（微積分與統計）M1 (Calculus and Statistics)
課程架構
| 學習範疇 | 學習單位 |
| 基礎知識 |
|
| 微積分 |
|
| 統計 |
|
| 進階學習單位 |
|
公開考試
M1只考一份試卷，時間為兩小時三十分鐘。 試卷分為兩部分，全部題目均須作答。 甲部包括八題至十二題短題目，而乙部就包括三題至五題長題目，甲乙兩部分各佔50分。
數學延伸部分單元二（代數與微積分）M2 (Algebra and Calculus)
課程架構
| 學習範疇 | 學習單位 |
| 基礎知識 |
|
| 微積分 |
|
| 代數 |
|
| 進階學習單位 |
|
公開考試
M2只考一份試卷，時間為兩小時三十分鐘。 試卷分為兩部分，全部題目均須作答。 甲部包括八題至十二題短題目，而乙部就包括三題至五題長題目，甲乙兩部分各佔50分。
中國文學 Chinese Literature (Chi Lit / C Lit)
Credit: unsplash @sharonmccutcheon
課程架構
中國文學嘅課程內容主要係更深入地咁探討及賞析文章，包括近代文學以及古文，必修部分有 14 篇指定作品，有 8 個選修單元，分別為：
- 作家追踪——自選作家作品選讀
- 名著欣賞
- 文學專題
- 現當代文學作品選讀
- 香港文學
- 戲劇文學評賞
- 文學作品的人物形象
- 文學創作——原創或改編
學校亦可開設自擬單元，建議考生選擇 2 至 4 個單元學習。
公開考試
中國文學嘅考試分為卷一及卷二，卷一為文學創作，佔總分 25%，有兩條題目，任擇其一，比起普通中文嘅寫作卷，中國文學寫作卷嘅題目通常都較開放式，自由度較高，而卷二就係文學賞析，佔總分 60%，通常都係課程裏面嘅篇章同其他篇章嘅跨篇比較。而中國文學科嘅 SBA 就係創作練習，佔總分 15%，考生要喺中四至中六期間喺散文、詩歌、小說、戲劇四類問題中選擇兩類，然後完成創作練習，由任教老師揀出兩次創作練習嘅成績交俾考評局。
英語文學 Literature in English (Eng Lit)
Credit: unsplash @atlaskadrow
課程架構
英語文學都係會更深入咁探討同賞析文章，同埋會有電影賞析。同中國文學一樣，相比正常英文，英語文學會更深入地探討及分析文章，亦有考試範文。
公開考試
考試形式同中國文學亦比較相似，不過卷一嘅 Essay 題目會係關於範文，要作 3 篇同埋佔總分 50%，而卷二就係 Appreciation，佔總分 30%，分為 Section A, B, C，每部分揀一題作答，Section A 係關於範文嘅 Critical Analysis，Section B 係考範文入面嘅 Poetry，Section C 就係 Unseen Poetry。SBA 方面，佔總分 20%，考生可以喺 Extended essay，Analytical Review，或者 Creative Writing 三項中揀一個形式，字數限制 1200-1500 字。
中國歷史 Chinese History
Credit: unsplash @ling_gigi
課程架構
中國歷史都係分為必修部分及選修部分，必修部分係「歷代發展」，分為甲部「上古至十九世紀中葉」及乙部「十九世紀中葉至二十世紀末」，即係由夏商周時代讀到二十世紀末。而選修部分就係「歷史專題」，共有六個，只需選擇一個：
- 二十世紀中國傳統文化的發 展：承傳與轉變
- 地域與資源運用
- 時代與知識分子
- 制度與政治演變
- 宗教傳播與文化交流
- 女性社會地位：傳統與變遷
公開考試
中史嘅DSE考試分為卷一、卷二，不設 SBA，卷一嘅比重係 70%，第一部分必答題分拆為兩題，必答題係資料題 (Data-based Questions)，考生需要只需要揀一題作答。而第二部分分甲乙兩部，每部分各設三題，考生需要各自揀一題作答，總共答兩題。卷二嘅比重係 30%，係關於選修部分，六個選修單元各設3題，考生要揀同 1 個單元中嘅兩題作答。
歷史 History
Credit: unsplash @didiofederico_photographer
課程架構
歷史嘅課程大綱如下：
引言：現代世界的孕育
主題甲：二十世紀亞洲的現代化與蛻變
- 香港的現代化與蛻變
- 中國的現代化與蛻變
- 日本及東南亞的現代化與蛻變
主題乙：二十世紀世界的衝突與合作
- 主要衝突與和平的訴求
- 協作與繁榮
公開考試
歷史嘅考試同中史一樣，分為卷一、卷二，不設 SBA，卷一嘅比重係 60%，全部都係資料題 (Data-based Questions)，總共有4題歷史資料題，考生需要揀3條作答。卷二嘅比重係 40%，試卷設 7 題論述題，即係要寫 Essay，任揀兩條作答。
地理 Geography
Credit: unsplash @Brett Zeck
課程架構
DSE 嘅地理課程有7大單元：
- 機會與風險 — 居住在災害頻生的地區是否明智之舉？
- 管理河流和海岸環境：一個持續的挑戰
- 轉變中的工業區位 — 它如何及為何隨時間和空間的變化而改變？
- 建設一個可持續發展的城市 — 環境保育與城市發展是否不能並存?
- 對抗饑荒 — 科技是否解決糧食短缺的靈丹妙藥？
- 消失中的綠色樹冠 — 誰應為大規模砍伐雨林付出代價？
- 氣候變化 — 長期波動還是不可逆轉趨勢？
而地理嘅選修單元就有四個，任揀兩個：
- 動態的地球：香港地質與地貌的形成
- 天氣與氣候
- 運輸發展、規劃與管理
- 珠江三角洲區域研習
地理嘅特別之處就係學校會安排讀地理嘅學生進行實地考察，運用課堂上學到嘅知識同技巧。
公開考試
地理嘅考試都係分為卷一、卷二，不設 SBA，卷一係考必修部分，比重 75%，分為有三部分，第一部分係多項選擇題 (Multiple Choice Questions)，第二部分係以實地考察為本／數據／技能為本／結構式嘅問題，第三部分就係短文章式問題 (Essay Questions)，卷二係考選修部分，比重 25%，分為兩部分，各設 4 題，考生需要各揀1題，第一部分係數據／技能為本／結構式問題，第二部分就係短文章式問題 (Essay Questions)。
倫理與宗教 Ethics and Religious Studies
Credit: unsplash @pavement_special
課程架構
倫理與宗教嘅必修部分係倫理學，內有兩個單元：
- 規範倫理學
- 個人及社會問題
倫理與宗教有兩個選修部分，要各揀一個：
選修部分一：宗教傳統
- 佛教
- 基督宗教
- 孔教 (將於較後日子推行)
- 伊斯蘭教 (將於較後日子推行)
- 道教 (將於較後日子推行)
選修部分二：宗教體驗 (呢個部分俾學生透過體驗活動學習)
- 學會服務及從服務中學習
- 從宗教禮儀中學習
公開考試
倫理與宗教嘅考試分為卷一、卷二，不設 SBA，卷一係考必修部分，比重 50%，有甲部同埋乙部，甲部係必答題，有 4 題短題目，考規範倫理學，考生需要揀其中3題作答，每題5分。乙部係選答題，4 揀 2，考個人及社會問題，題目形式係以論述題為主。卷二係考選修部分，比重 50%，暫時剩係知道佛教同基督宗教嘅考試形式，佛教分為甲部及乙部，甲部係佛教歷史，兩題揀1題答，乙部係佛教教義及佛法實踐，四題揀2題答，而基督宗教全卷設 5 題，揀 3 題答，特別嘅係基督宗教可以帶合規格嘅聖經應考 (詳情請見教育局倫理與宗教評核大綱)。
生物 Biology
Credit: unsplash @cheaousa
課程架構
DSE 生物科嘅課程範圍如下：
必修部分：
- 細胞與生命分子
- 遺傳與進化
- 生物與環境
- 健康與疾病
選修部分 (4 揀 2)：
- 人體生理學：調節與控制
- 應用生態學
- 微生物與人類
- 生物工程
要注意嘅係，生物科除咗以上嘅範圍都好重視科學探究，科學、科技、社會和環境嘅連繫，同埋生物學的本質及歷史。
公開考試
生物科嘅考試都係分為考必修部分嘅卷一，同埋考選修部分嘅卷二。卷一比重 60%，分為甲部多項選擇題 (Multiple Choice Questions)，及乙部短答題、結構式題目和論述題。卷二比重 20%，全部都係結構式試題 (Structured Questions)，由四個選修課題中揀兩個課題嘅題目作答。至於 SBA，就係佔總分 8% 嘅實驗技巧及能力，同埋佔總分 12% 嘅探究實驗報告。
化學 Chemistry
Credit: unsplash @bill_oxford
課程架構
DSE 化學科嘅課程範圍如下：
必修部分：
- 地球
- 微觀世界 I
- 金屬
- 酸和鹽基
- 化石燃料和碳化合物
- 微觀世界 II
- 氧化還原反應、化學電池和電解
- 化學反應和能量
- 反應速率
- 化學平衡
- 碳化合物的化學
- 化學世界中的規律
選修部分 (3揀2)：
- 工業化學
- 物料化學
- 分析化學
揀科嘅同學要注意，化學科都重視科學、科技、社會和環境的連繫，唔係剩係死背爛背，要識得將課堂所學應用喺唔同情況上。
公開考試
化學嘅公開考試形式基本上同生物嘅一樣，卷一考必修部分，佔總分 60%，分為甲部多項選擇題同埋乙部短答題、結構式題目和論述題，卷二係考選修部分，佔總分 20% 要揀自己讀嘅兩個選修單元嘅問題作答。至於 SBA，佔總分 20%，需要最少為容量分析 (Volumetric Analysis) 評核一次、為定性分析 (Qualitative Analysis) 或其他實驗評核一次。
The Chemist 仲分享咗一篇關於Molecule分子 VS Atom原子 VS Ion離子嘅文章，大家可以睇下。
物理 Physics
Credit: unsplash @roman_lazygeek
課程架構
DSE 物理科嘅課程範圍如下：
必修部分：
- 熱和氣體
- 力和運動
- 波動
- 電和磁
- 放射現象和核能
選修部分 ( 4揀2 )：
- 天文學和航天科學
- 原子世界
- 能量和能源的使用
- 醫學物理學
物理科同生物科及化學科一樣，都有科學、科技、社會和環境的連繫嘅部分，所以必須要識得將知識運用喺唔同情況上。
公開考試
物理科嘅公開考試模式同化學科一模一樣，卷一考必修部分，比重 60%，有甲部多項選擇題 (Multiple Choice Questions)，乙部短答題、結構式題目和論述題，卷二考選修部分，比重20%，要答自己揀嘅選修單元。物理科嘅 SBA 比重 20%，係評核於實驗作業所涉及嘅一系列技巧嘅表現，考生需要進行指定數目嘅實驗。另外，考生亦都可以設計並進行一個探究研習，以解決某啲現實問題。
經濟 Economics
Credits: unsplash @sharonmccutcheon
課程架構
DSE 經濟嘅課程範圍如下：
必修部分：
- 基本經濟概念
- 廠商與生產
- 市場與價格
- 競爭與市場結構
- 效率、公平和政府的角色
- 經濟表現的量度
- 國民收入決定及價格水平
- 貨幣與銀行
- 宏觀經濟問題和政策
- 國際貿易和金融
選修部分 (2揀1)：
- 壟斷定價，反競爭行為及競爭政策
- 貿易理論之延伸，經濟增長及發展
公開考試
DSE 經濟嘅考試分為卷一、卷二，卷一比重30%，係考必修部分嘅多項選擇題 (Multiple Choice Questions)，卷二分為甲、乙兩部分，甲部比重 29%，係考必修部分嘅短答題，乙部比重係 41%，係考必修部分嘅結構/文章式/資料回應試題。
旅遊與款待 Tourism and Hospitality Studies
Credit: unsplash @Joshua Earle
課程架構
DSE 旅遊與款待嘅課程範圍如下：
旅遊導論：
- 旅遊的概念與原理
- 本地旅遊業
- 會議、獎勵、商務、展覽是旅遊業中的一個界別
款待導論：
- 款待業
- 住宿業
- 餐飲業
地理名勝：
- 地理名勝
客務關係及服務：
- 顧客服務
- 客務關係
- 溝通技巧
旅遊與款待業趨勢及議題
- 旅遊與款待業的熱門議題
- 旅遊業的趨勢
- 款待業的趨勢
公開考試
旅遊與款待嘅公開考試分為卷一、卷二。卷一比重 45%，分為甲部多項選擇題 (Multiple Choice Questions) 同埋乙部資料回應題 (Data-based Questions)，甲部嘅問題必須全部作答，乙部就設有3條題目，要作答兩題。卷二比重 55%，有5條論述題 (Essay-type Questions)，考生只需要作答2題。
企業、會計與財務概論 Business, Accounting and Financial Studies (BAFS)
Credit: unsplash @volkanolmez
課程架構
DSE 企業、會計與財務概論嘅課程範圍如下：
必修部分：
- 營商環境
- 管理導論
- 會計導論
- 基礎個人理財
選修部分 (喺兩個單元中選擇一個)：
會計單元：
- 財務會計
- 成本會計
商業管理單元：
- 財務管理
- 人力資源管理
- 市場營銷管理
公開考試
企業、會計與財務概論嘅公開考試分為卷一、卷二。卷一比重 40%，分為甲部多項選擇題 (Multiple Choice Questions) 同埋乙部短題目 (Short Questions)，乙部分為兩部分，第一部分有 3-4 條必答題，第二部分就有兩條問題，只需揀1 題作答。卷二比重 60%，係考選修部分，只需要答自己揀嘅選修單元，卷二分為甲、乙、丙三部分，甲部問題必須全部作答。乙部方面，卷二甲（會計單元）就有3條應用題，考生需要揀兩條作答，卷二乙（商業管理單元）就設有2條個案題，考生需要選答其中1題。而丙部只需要喺2條題目入面揀1條嚟答。
設計與應用科技 Design and Applied Technology (DAT)
Credit: unsplash @uxstore
課程架構
DSE 設計與應用科技嘅課程範圍如下：
必修部分：
學習範疇一：設計與創新
- 設計的實踐
- 設計考量
- 設計傳意
學習範疇二：科技原理
- 科技的本質
- 生產程序
- 系統及控制
學習範疇三：價值與影響
- 科技與設計的價值
- 歷史與文化的影響
- 創業精神及企業方法
選修部分 (5揀2)：
- 電子
- 自動化操作
- 設計實踐及材料處理
- 視像化及電腦輔助設計模塑
- 創意數碼媒體
公開考試
設計與應用科技嘅 DSE 考試分為卷一、卷二，以及 SBA。卷一係考必修部分，比重 30%，分為甲部同埋乙部，甲部只設一題專題設計試題，乙部就有三題試題，只需作答兩題。卷二係考選修單元，比重 30%，每個選修單元有 3 條試題，考生需要喺報考嘅時候由5個選修單元入面選取其中2個，而喺應考嘅時候只須選答1個單元，喺單元嘅三題入面選答兩題。設計與應用科技嘅 SBA 係設計作業，比重 40%，建議主題由考評局提供，考生需要提交：
- 一個可操作嘅實體模型/原型，或一個虛擬立體模型同埋一個可操作嘅局部實體模型
- 一個 A4 或 A3 尺度嘅設計記錄
健康管理與社會關懷 Health Management and Social Care
Credit: unsplash @Max van den Oetelaar
課程架構
DSE 健康管理與社會關懷嘅課程範圍如下：
必修部分：
- 人生不同階段的個人發展、社會關懷及健康
- 本地與全球的健康與社會關懷情境
- 回應健康 (護理、推廣及保健) 與社會關懷範疇的需要
- 推廣及維持社區內的健康與社會關懷
- 身體力行 — 健康推廣、保健與社會關懷
選修部分(3揀2)：
- 健康推廣與健康護理服務的延伸學習
- 社群與社會關懷服務的延伸學習
- 健康與社會關懷時事議題
公開考試
健康管理與社會關懷嘅 DSE 考試分為卷一、卷二，以及 SBA。
卷一係考必修部分，比重 46%，全卷所有題目都必須作答，題目分為甲部短答題 (Short Questions) 同埋乙部結構題 (Structured Questions)。
卷二係考哂選修部分同埋必修部分，比重 34%，分為甲部短答題 (Short Questions) 同埋乙部議論題 (Issue-based Questions)，甲部嘅問題必須全部作答，而乙部就有 3 條文題，只須選答兩題。
健康管理與社會關懷嘅 SBA 係一份實地學習課業，佔總分 20%，考生需要透過參與校内或校外 (例如同健康或社會關懷有關嘅機構) 嘅實地學習活動，獲得實地體驗嘅機會，從而喺健康及 / 或社會關懷議題相關嘅真實情境中計畫、實踐同埋評估其學習。
資訊及通訊科技 Information and Communication Technology (ICT)
Credit: unsplash @Markus Spiske
課程架構
DSE 資訊及通訊科技嘅課程範圍如下：
必修部分：
- 資訊處理
- 電腦系統基礎
- 互聯網及其應用
- 基本程式編寫概念
- 資訊及通訊科技對社會的影響
選修部分 (4揀1)：
- 數據庫
- 數據通訊及建網
- 多媒體製作及網站建構
- 軟件開發
公開考試
資訊及通訊科技嘅 DSE 考試分為卷一、卷二，以及 SBA。卷一係考必修部分，比重 55%，分為甲部多項選擇題 (Multiple Choice Questions) 及乙部結構式試題 (Structured Questions)，全部都係必答題。卷二係考選修部分，比重 25%，全部式題均為結構式試題 (Structured Questions)，考生需要作答所有自己嘅選修單元嘅題目。資訊及通訊科技嘅 SBA 比重 20%，評核項目包括一份引導式課業，課業內容着重於開發信息系統中「構思與應用」嘅範疇。
Afterschool 都有為大家搜集關於 DSE ICT 選修科，如果想知嘅話可以睇【DSE ICT】Past Paper 操卷攻略、ICT SBA 滿分秘技！
科技與生活 Technology and Living
Credit: unsplash @christinhumephoto
課程架構
DSE 科技與生活有兩個學習範疇，學生需要選擇1個，兩個學習範疇如下：
食品科學與科技學習範疇：
必修部分：
- 家庭部分
- 營養、飲食與健康的關注
- 食品製作科技
- 消費者選擇食品的行為及涵義
選修部分 (3揀2)：
- 飲食文化
- 食品科學與科技的延伸學習
- 食品研究與開發
服裝、成衣與紡織學習範疇：
必修部分：
- 家庭部分
- 基本時裝設計
- 紡織及成衣科技
- 消費者選擇服裝的行為及涵義
選修部分 (3揀2)：
- 文化與時裝設計
- 紡織品與紡織科技
- 成衣工業
公開考試
科技與生活嘅 DSE 考試分為卷一、卷二，以及 SBA。卷一係考必修部分，比重 30%，由甲、乙、丙三部分組成，甲部係多項選擇題 (multiple Choice Questions)，乙部係設計題 (Design Questions)，丙部係結構題 (Structured Questions)，卷一全部都係必答題。卷二係考選修部分，但係都包括必修部分嘅知識，比重 40%，考生只需要作答關於自己揀咗嘅兩個選修單元嘅問題。科技與生活嘅 SBA 只有「專題研習或設計夾」一個部分，分數比重佔全科 30%。
音樂 Music
Credit: unsplash @Marius Masalar
課程架構
DSE 音樂嘅課程範圍如下：
必修部分：
- 聆聽
- 演奏 I
- 創作 I
選修部分 (3揀1)：
- 專題研習
- 演奏 II
- 創作 II
公開考試
音樂嘅 DSE 考試分為必考部分同選考部分，不設 SBA。必考部分嘅卷一係聆聽，比重 40%，考核範圍包括西方古典音樂，中國器樂，粵劇音樂，同埋本地及西方流行音樂。卷二係實習考試，比重 20%，卷三係作品集，比重 20%。選考部分都分為三份卷，考生只需要選考一份卷，比重 20%，三份卷分別係專題研習，實習考試，同埋作品集。(DSE 音樂科考試嘅詳細資料請參閱考評局嘅評核大綱)
視覺藝術 Visual Arts (VA)
Credit: unsplash @Markus Spiske
課程架構
DSE 視覺藝術課程包括兩個範疇，分別係視覺藝術評賞同埋視覺藝術創作，關於兩個範疇嘅詳細資料請參閱考評局視覺藝術課程計評估指引第11頁 (PDF 檔案第18頁)。
公開考試
視覺藝術嘅 DSE 考試分為兩份卷，考生只需要考期中一份，比重 50%。卷一係「視覺形式表達主題」，卷二係「設計」。視覺藝術科嘅 SBA 要求考生提交一個作品集，比重 50%，其中需要包括研究工作簿同埋針對主題嘅藝術創作或評賞研究。(DSE 視覺藝術科考試嘅詳細資料請參閱考評局嘅評核大綱)
如果想知多啲關於 DSE VA 嘅話可以睇我哋 Afterschool 嘅另一篇 blog【DSE VA】 VA操卷、前期準備大揭秘，仲有歷屆題目庫！
體育 Physical Education (PE)
Credit: unsplash @chanderr
課程架構
DSE 體育嘅課程內容有 10 大部分：
- 體育、運動、康樂、消閒與豐盛人生、消閒與豐盛人生：歷史和發展
- 人體
- 動作分析
- 維持健康與活動表現的體適能和營養
- 運動與訓練的生理學基礎
- 運動創傷、處理與預防方法
- 體育、運動及康樂相關、運動及康樂相關心理技能
- 體育、運動及康樂的、運動及康樂的社會影響
- 運動和康樂活動管理
- 體驗
公開考試
體育科嘅 DSE 考試分為三份卷，不設 SBA。卷一係多項選擇題 (Multiple-choice Questions) 同埋短答題 (Short Questions)，比重 42%，卷二係長答題 (Long Questions)，比重 18%，卷三係實習考試，比重 40%，有關卷三嘅詳細資料請參考考評局嘅評核大綱。
