【2024 DSE 中文改制】分卷改動|最新評分標準

文靜
文靜 2024-2-16 23,183
考評局公佈2024 DSE中文科有重大改動,除咗取消卷三同卷四之外,分卷評分比重、考試範圍以及評分準則都有唔少改變。AfterSchool幫你一文整合2024 DSE中文科改制後各份分卷評分標準及改動!
相信各位考生都留意到近年考評局對未來幾年嘅文憑試進行大規模改革,其中 2024 DSE 改革比較大,而 2024 DSE中文科亦係有較大變動嘅一科,無論係評核模式、考試範圍以及分卷佔分比重都有明顯嘅改變。AfterSchool 幫大家整合咗 2024 年 DSE 中文科所有變動,助你一文睇清楚改制後嘅 DSE 中文科評核準則!
喺學習零散嘅新知識之前,有冇諗過需要先建立一個系統性嘅學習模式?我係文靜,多年來透過DSE中文補習幫助學生輕鬆取得大學入場券。想知道我嘅教學理念同往績,即撳:中文補習名師 文靜 | AfterSchool

改制前後一覽表

 現有模式
(2023 DSE或之前)
2024 DSE
卷一 閱讀能力甲部:指定閱讀篇章(12篇範文)
乙部:課外篇章
甲部:指定閱讀篇章(12篇範文)+ 8篇建議篇章
乙部:課外篇章
卷二 寫作能力卷二試卷設有3題
考生可選一題作答
試卷分甲、乙兩部分。
甲部:考核實用寫作,佔全卷百分之三十
乙部:命題寫作,佔全卷百分之七十
考試時間增至兩小時十五分鐘
卷三 聆聽及綜合能力考核甲部:聆聽部分
乙部:綜合能力
隨着高中核心科課程於2024年度全面改革,考評局於2024年正式取消DSE中文卷三。
卷四 說話能力自2020年度起,因疫情關係,考評局宣布取消卷四-說話能力。其後因應考評局優化核心科目嘅政策,卷四於2024年度正式被取消。
校本評核 (SBA)必修部分:
閱讀活動

選修部分(兩個單元):
日常學習表現
單元終結表現
閱讀匯報:
一次文字報告
一次口頭匯報

2024 DSE中文評核模式

評核模式概覽

部分內容比重評核模式考試時間
公開考試卷一 閱讀能力
卷二 寫作能力
40%
45%
筆試筆試1小時30分鐘
2小時15分鐘
校本評核閱讀匯報:
一次文字報告
一次口頭匯報
15%各呈交1個分數,
合共呈交2個分數
 

修訂部分

評核部分修訂部分
公開考試
  • 公開考試只設閱讀及寫作兩份試卷,中文科文憑試卷總數由四份減至兩份,原有嘅卷三「聆聽及綜合能力」及卷四「說話能力」兩份試卷將被取消,考評局喺改制後將兩卷所考核嘅能力融入考試及校本評核SBA。
  • 卷二「寫作能力」考試時間增至2小時15分鐘,並將試卷分為甲、乙兩部分。甲部為新增嘅實用寫作考核,設若干閱讀材料,考生須整理並加以發揮;乙部為命題寫作。
校本評核
  • 精簡校本評核,無須呈交 「選修單元」及「閱讀紀錄」的分數
  • 保留「閱讀匯報」,說話能力評估融入「閱讀匯報」內,並佔一定分數

中文卷一(閱讀能力)改動

高中中文科喺改革之後精簡咗必修同選修兩部分嘅教學,並喺整體課程入面加強對閱讀嘅重視,所以考評局喺2024年文憑試中文科範圍入面新設咗8篇建議篇章,加上原有嘅12篇指定範文,2024 DSE中文科卷一-閱讀能力總共有20篇篇章。

12篇指定範文

  1. 司馬遷《廉頗藺相如列傳
  2. 論語.論仁、論孝、論君子
  3. 孟子《魚我所欲也
  4. 荀子《勸學
  5. 莊子《逍遙遊
  6. 韓愈《師說
  7. 柳宗元《始得西山宴遊記
  8. 諸葛亮《出師表
  9. 唐詩三首 
    1. 王維《山居秋暝
    2. 李白《月下獨酌
    3. 杜甫《登樓
  10. 宋詞三首
    1. 蘇軾《念奴嬌.赤壁懷古
    2. 李清照《聲聲慢.秋情
    3. 辛棄疾《青玉案.元夕
  11. 蘇洵《六國論
  12. 范仲淹《岳陽樓記

8篇建議篇章

  1. 詩經《國風.關雎
  2. 佚名《曹劌論戰
  3. 禮記・大學
  4. 李密《陳情表
  5. 陶淵明《飲酒.其五(結廬在人境)
  6. 袁宏道《滿井遊記
  7. 方苞《左忠毅公軼事
  8. 元曲兩首:關漢卿《四塊玉.閒適(南畝耕)》、白樸《沉醉東風‧漁火詞

中文卷二(寫作能力)改動

2024 DSE 中文作文試卷形式

根據考評局官方網站嘅 2024香港中學文憑考試中國語文科評核大綱,2024 DSE中文寫作嘅試卷形式如下:
試卷二 寫作能力佔全科總分百分之四十五,考試時間為兩小時十五分鐘
本卷主要考核考生理解、組織、構思、表達、創作等能力。
試卷分甲、乙兩部分。甲部考核實用寫作,佔全卷百分之三十;乙部命題寫作,佔全卷百分之七十。
試卷甲部設若干閱讀材料,供考生整理並加以發揮,完成一項寫作任務,設字數上限。乙部設題方式或命題,或指定情境,並提供選擇,要求考生寫作長文一篇,或短文二至三篇,字數視題目要求而定。

2024 中文卷二評分參考

目前可以參考嘅只有考評局出嘅兩份樣本試卷,兩份都係甲部寫作,所以考生暫時未有乙部嘅樣本試卷作為參考。甲部實用寫作嘅評分準則方面,考評局表示將分部分項俾分。分別為:
內容 - 滿分30分

行文組織 - 滿分20分

2024 中文卷二甲部 見解論證

考評局宣佈改制之後,新卷二甲部實用文入面,考評局保留咗舊有嘅卷三綜合卷所考核嘅能力-見解論證。同學需要喺甲部實用寫作入面以引言、論點一、論點二、結語四部分為主,同時需要確保觀點明確、合理,理據充足,闡述清晰等,先可以喺新卷二入面攞到上等嘅分數。

2024 中文卷二甲部 格式及字數

新卷二實用寫作並冇設立格式分底分,而係直接喺「行文組織」入面扣分,而喺考評局所提供嘅評分參考入面,格式最多扣2分,但唔確定未來會唔會作出任何有關格式評分上嘅改變。而喺字數方面,過往卷三綜合部分並無字數上限,因此考生嘅「見解論證」同「整合拓展」部分通常都有大量段落同字數,以確保自己所寫嘅內容覆蓋到評分標準入面嘅攞分位,考試因此變成手速遊戲。而新卷二甲部實用寫作就設有字數要求,字數要求為500-550,超字好有可能扣分,同學需要喺短短500字入面以精簡嘅內容去完成佢哋嘅「見解論證」

中文SBA(校本評核)改動

2024 DSE中文校本評核佔全卷分數百分之十五,考評局宣佈改制之後,考評局將中文SBA(校本評核)嘅內容縮短,考生無須呈交 「選修單元」及「閱讀紀錄」嘅分數,整個校本評核只保留「閱讀匯報」,說話能力評估融入「閱讀匯報」內,學校會為學生呈交兩個分數,包括一次文字報告及一次口頭匯報。而自修生就無須參加校本評核,佢哋嘅成績全部以公開考試成績計算。
以上就係有關 2024 DSE中文科全卷嘅改動,如果同學想了解更多,不妨可以去考評局嘅網站詳細參考返佢哋嘅科目資訊,希望大家可以喺呢份「死亡之卷」入面獲取佳績啦!
免費 DSE 電子報
定期為 30,000+ 中學生送上實用 DSE 資訊和資源
文靜

文靜

文學奬得主 作家級補習名師獨創寫作萬能KEY絕技 倒模式背文5**真跡印證 超凡教學威力